NALIKA NYIDRANI ATI
Esti Meiningsih
wengi saya nglangut
wayangan dosa saya cetha
nanging panggah isih ana pangajab bakal tumekane
dina-dina kang endah
ana esem sing bisa ngipur ati
jagate peteng
panyawang blereng
laku kandheg
ora kuwawa ngampet
ana maneh wayangan sing ngegla
sing satemene kudu dilarung
dudu ing sungapan iku
mung cukup ing esem sing bisa nglipur ati
tanpa nggegetun sing wis kawuri
isih ana pangapura
ing sangarepe dhampar pamujan suci
sing bisa madhangi ati
Purworejo, Nopember 2006
Tidak ada komentar:
Posting Komentar