JAGATE MALIH
Ike Dani Prihastuti
Jagate malih
Jagate malih?
Kang, Yu, Lik, Dhe, apa ngono?
Hla iya Le,
Delengen!
Gisik endah
wis malih dadi pabrik.
Alas gedhe
mung kari tilas.
Wit jati entek
dadi lemari.
Rungkute kebon
wis salin beton.
Segara wis carub lenga,
malih nraka tumrape mina.
Anggunging peksi
wis kalah karo swara tivi.
Seseg!
Tanpa ana panggon
tumrap thukule SUKET.
2008
Tidak ada komentar:
Posting Komentar