Sekar Macapat Maskumambang
Ki Sasmita
adhuh-adhuh kadang sumitra kinasih
kenang apa sambat
ngaru-ara jelih-jelih
tetangisan mbuwang waspa
anggetuni kahanan ingkang nalisir
saking gegadhangan
tan narima marang pesthi
sedhih nggrantes trus nalangsa
eman-eman dhuh kadang ngrusakke pikir
myang lungkrahing raga
kadalarung temah gering
kecalan daya myang karsa
luwih becik pra kadang samya memuji
amrih pinaringan
kuwat lair klawan batin
tumandang ambudidaya
sokur-sokur pra kadang purun nyawiji
rukun mrih santosa
mbengkas pokal srei-drengki
mesu budi ambeg tama
(dimuat di Harian Jogja 20 Juli 2008)
Tidak ada komentar:
Posting Komentar