Sekar Tengahan Balabak
GESANG BEBRAYAN
Ning Ayu Kusuma
wong ngaurip elinga marang sedulur
sebabe
sira tan bakal kuwat madeg priyangga
kodrate
saben dina rinaketan ing sasama
titahe
yen rumangsa kepama sabarang butuh
isthane
ratu gung kang tumitah ing ngarcapada
racake
ngegungke apa kang dadya darbekira
ambege
lamun kepanjingan mulya mukti luhur
becike
enget lara-lapane anggayuh karkat
yektine
mukti wibawa dumunung aneng rasa
batine
lamun ana kalanira tiba muwun
atine
aywa rumangsa tinitah tanpa rowang
banjure
ajrih sungkan jumangkah mecaki dalan
pesthine
sanyatane gesang ing bebrayan agung
wajibe
datan lirwa marang uriping sasama
gunane
bareng rerangkulan ngayahi pakaryan
darmane
Tidak ada komentar:
Posting Komentar