MEMUJI SETYA
marang Apriyanti
M. Ahmad Jalidu
Mbokmenawa ndungkap titiwanci
Sun-andheg tangis lan tidhamu, saiki
Kamulyan iku kringet lan tekad, wening nyawiji
Dudu karsane wuku lan betaljemur
Kabegjan iku kembange pambudi, wohing pepuji
Dudu pakeming trah-sambunge leluhur
Lan wektu
sanityasa mlayu
nembang setya kang lawas Sun-anggit
mbokmenawa pancen wus sinanggit
Sun-kanthi tanganmu
Sujud ngarsane Rama lan Ibu
Jogja, 2008
Tidak ada komentar:
Posting Komentar