Ki Sasmita
1. sekar-sekar samya mekar
endah-endah milangoni
samirana andum ganda
arum-arum amrik wangi
dhoyong adeging dhiri
sru goreh antebing kalbu
kataman larasmara
liwung gandrung marang dasih
kadya kombang mabur ing luhuring taman
2. bawane kang maksih mudha
tan anggagas ala-becik
mung anggunggung rasa suka
emeng noleh kanan-kering
tur kurang mawas dhiri
satemah kasandhung-sandhung
wurung anggayuh suka
malah lara mangkel sedhih
nenulari tan prayoga mring bebrayan
*** dimuat di Rubrik Jagad Jawa Harian Jogja 29 Juni 2008
Tidak ada komentar:
Posting Komentar