KANGEN BAPAK
Sugito HS
Pak, aku bungah
kasil nyungging esemmu
pinajang ing ruAng tamu
mapag sapa wae sing mlebu omahku
kadang-tangga melik-meri
esemmu ora ana sing nandhingi
aku kasil ngopeni
putu-buyutmu bakal marisi
Pak, aku sumpah
wiwit saiki omah bakal reja
dhayoh mara saben dina
niyat suci sedya mulya
dulur-mitra kulak begja
nedhak esem kinarya srana
sayuk-rukun tanpa cidra
ayem kluwarga tentrem negara
Pak, kapan bungah?
anak-putumu ora salah!
warisanmu didum tanpa pilah
esemmu dipundhi saben wayah
Pak, pancen susah!
kahanane kebacut nggladrah
eseme mantumu malah didol murah
eseme putumu tanpa angon wayah
Bubrah, Pak!
Aku kalah!
Piye, Pak?
Melu owah?
Jogja, Oktober 2007
2 komentar:
karya sastra lahir dari cerminan masyarakat sosial,politik, budaya, dan di dalamnya terdapat unsur estetika yang dominan, dan pula struktur2 pembentuk ks tersebut. unsur2 itu saling terkait, dan analisanya-pun tak lepas dari kajian strukturalisme dan semiotika. geguritan buah tangan sugito, merupakan mimesis dari alam sekitarnya, yang di tandai dengan unsur2 literariness poetic yang membentuknya. kapan2 bisa di bedah tuh tulisane.....
nderek bingah lan ugi nderek sinau nggih...
Posting Komentar