Ki Sasmita
1. lir-pendah urubing bagaspati
kang nyunari salumahing jagat
sanadyan panas cahyane
tan kiyat kang andulu
nanging ta aweh daya urip
ngono uga sanyata
wewataking kawruh
piwulange para dwija
dwija luhur kebak laku darma suci
mungkuraken angkara
2. nanging angel ing jaman samangkin
angupadi guru kang utama
kang buntas-tamat kawruhe
tur eklas mulang muruk
kotamaning gesang sejati
malah kathah sanyata
ingkang adol kawruh
kanggo srana numpuk bandha
temah koncatan sesipate Ywang Suci
ngubal-ubal angkara
Yogyakarta, Juni 2008
Tidak ada komentar:
Posting Komentar